ابوذیّات تسّر الحیاة
الف مبروک مـــــــیلادک و الف عید
الف فرحـــــــه حسب گلبی والف عید
یا موسی انرحب ابضیفک و الف عید
ترا احنه احبــــــــاب نتشارک سویّه
***
یسجاد الفرح سرنی و ســـــرهم
هلک جاهم نصر سافر و سرهم
سر جیتک الّی کاشف و سرهم
او نـــزیل العار من دار الخلیّه
***
یسجاد الغدر غثنـــــــــــی و لمنّی
ابوجود احفادی اشد حملی و لمنّی
بعد یا هو الیعاندنـــــــــی و لمنّی
اذا رب الجلیل انــــــــــــعم علیّه
***
مریض او گلبی بیه حسرات و اشفیت
ابرمضان او کرمت الضیف و اشفیت
امن ابعید الصــــور طلبیت و اشفیت
اریده ذخـــــــــــــــــر یوم الموزمیّه
***
هله ابضیف الحده ابدربه و الّی عاد
تعدّه الصعبه رد حبّه و الّــــــی عاد
حفید او کارم انسابه و الّـــــی عاد
یشیل الحمل لــــــــو عنده الحمیّه
***
هله بالشایل الرایـــــــه هلاوین
شجاع او حامی الثایــه هلاوین
یگلبی لو گرب موتک هلاوین
بعد لتون احفــــــــادک بالثنیّه
***
هله ابروض الچسه ازلوفه من الیار
او هله بالفرّح اصحابه مـــــــن الیار
او هله ابسیف المسح غابه من الیار
متی یشفی الجرح مــــن هالاذیّه
***
یعاذل لا تلوم الگلب مــــــــــن هام
احبابی او کل عذابی اعتقد مـن هام
دست چم من عذاب او فکّر من هام
یجی البطــــــــــــــران یتدلل علیّه
***
الیجابح ما سکن وی بشر ویروح
یفز کلمن عنید ابگــــــــبر ویروح
رضاة الرب ترهم الکسر ویروح
بگه الخسران کلمن ضـــر خویّه
***
یشایل لا تلوم الحاط بـــــــرضاک
او تعدّه العیله لو گشبرت برضاک
اذا حقّک تعرفه احتکر بــرضاک
یعیرونـــــــــک اذا سمته ابشریّه
***
همس صید التریده الروح و ارباک
یغازلنی الدهر و الشـــاک وارباک
گلت له وین راح اربای و ارباک
یگلّلی اتشوف واتعوف اشبــــدیّه
***
یعادل لا تشّک اشبیک و انــــــهاک
علی ضیم الّفاک او جاک و انــهاک
نسیت امرک عذابک فاک و انهاک
اششفت بس المرار ایحن عــــــلیّه
***
جاسم ثعلبی (الحسّانی)
04/04/1395
:: برچسب‌ها:
ابوذیّات تسّر الحیاة ,
:: بازدید از این مطلب : 1830
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
